الطبقة الأولى
واحد بسكوت شاي مطحون تضيفين له نصف زبدة متوسطة الحجم وربع كاس ماي بارد أو أقل تحطيها بصينية وترصينها زين.
مقادير وطريقة الطبقة الثانية
واحد زبادي
نصف كوب سكر
نصف كوب حليب مجفف
8 قطع كيري
ملعقة جيلاتين مذوبة بربع كاس ماي ساخن
تحطيهم بالخلاط بتكون طبقة مثل الكريمة
وهذي تحطيها على طبقة البسكوت وتحطيها بالثلاجة
الطبقة الثالثة
علبة فيلنج اللي تنحط على الباي كرز او توت او فراولة حسب الرغبة
انا هنا استخدمت كرز وسويت الخلطة بنفسي عشان احنا الحين بموسم الكرز وهذي طريقتي
طريقتي الخاصه
اعملي نصف كوب ماء مع ملعقة نشا اغليهم على النارلما يتخن اضيفي ملعقتين مربى كرز وقلبي جيدا ثم اضيفي الكرز انصاف من غير البزر وقلبيه على النار قليل وطفي النار حتلاقيه شبه الجاهز ممكن اذا ما عندك مربى تحطي سكر زي ما تحبي يكون الحلى وبمجرد ما تحطي الكرز حتلاقي انها انصبغت بلونه انا احبه شوي حامض عشان كذا اضفت عصير ليمونة كبيرة .
يالله كلكم تفضلوا وقولوا رايكم
هالله هالله بالردوود الحلوة
تحيتي
أختكم دماءالطف