برمودة تحت العبايه والسيقان طالعة .. أيل شنو حقه العبايه ..,

بسم الله الرحمن الرحيم..,

صباحكمـ\مساكمـ ..,

أحبتي وأخوتي ..,

في السابق كنا نشوف ظواهر تنتشر في المجتمع ونستنكرها او ما تدخل عقولنا
لتعارضها سواء للدين الإسلامي او لعادات أجدادنا وتقاليدهم ..


لكن الظاهرة الي انتشرت في الفترة الاخيره تتطلب منا التكلم عنها ومناقشتها ..


وهي ظاهره البرمودا مع العلم أنها أصبحت ليس موضة بل أصبحت عادهـ القصير تحت العباه .. وياريت تكون العباه مسكره ..

إلا مفتوحة وتظهر السيقان والكل يتفرج ..

يعني ودي اعرف وشهدف الفتاه لما تلبس برمودا والسيقان طالعه ووتشمى في المجمع وبكل ثقة ؟؟

والي يبط الكبد لو طالعتها بنظره استغراب قامت تطالعك بنظره احتقار وكأنك غلطت عليها بالنظرة

ونست ان أهي صاحبت هالتصرف واهي الي حطت روحها في هالموقف ..

والمشكلة بعد لين تعرض لها احد الشباب قامت تسبه أنت قليل أدب وما تستحي ومش متربي ووو ... الخ ..

طيب إذا اهو قليل أدب أنتي شتطلعين ؟؟

أنتي ماحترمتي نفسك ولا حشمتي الموجودين بالمكان

ليش تتوقعين من الشباب يحترمونك او يعملولك حساب ؟؟

والشي الثاني الي استغرب منه .. ان شلون هالبنات يطلعون من بيوتهم بهالشكل ؟

الأهل وينهم ؟

مايشوفون بناتهم ؟

مايشوفون شلابسين ؟

البنات شلون يرضون على نفسهم ؟

نسوا مخافة الله والعادات والتقاليد ؟

نسوا انه عيب ؟

وين الوازع الديني ؟

وين الخوف من الله ؟

كل هالاشياء صارت عاديه بالنسبة لهم ؟


وياريت تجاوبوني على هالاسئله .. وكله في النهاية لتعم الفائدة على الجميع ..


1_ هل صادف وان شفت هالظاهره أمامك ؟

2_ شرايكم بهالنوع من الفتيات ؟

3_ برأيكم شالهدف الذي يجعل الفتيات يطلعون بهالشكل ؟



وأخيرا .. هل في كلمه تحب توجها لهالفتيات ؟

نصيحة او حتى نقد ؟؟

منقووووووووووووووووووووووووووول

تحيتي
أختكم نور الولاية